عنوان: خلاصة ندوة المحقق كونان الجهبذ، بقلم فردوس بوغطاس
حلقة الوصل : خلاصة ندوة المحقق كونان الجهبذ، بقلم فردوس بوغطاس
خلاصة ندوة المحقق كونان الجهبذ، بقلم فردوس بوغطاس
فردوس بوغطاس مناضلة تقدمية عانت ما عانت من الهرسلة والفرز الامني اثناء دراستها وتكتب عادة تدوينات ساخرة في الادب السياسي باللجة الدارجة لكن هذه المرة مزجت بين العربية والعامية حول حرائق غابات تونس :اندلعت في تونس منذ ايام حرائق بالجملة .. (أكثر من مائة حريق )... حرائق متزامنة احيانا .. متفرقة أحيانا أخرى .. طالت كل الثروة الغابية للبلاد التونسية... باستثناء جبل الشعانبي وجبل سمامة... حيث يواصل بعض المواطنين ممارسة رياضتهم المفضلة وتذويب كوليستورولهم ... والترويح عن النفس من وقت لآخر من خلال بعض الأنشطة الفلاحية البسيطة .. كزراعة الألغام ... او حصد الارواح البريئة ...
وطالت الحرائق غابات الشمال الغربي والشرقي كباجة وجندوبة وبنزرت واريانة وبن عروس.. ووسط البلاد كبعض مرتفعات وجبال القيروان والڨصرين.. وامتدت إلى بعض مرتفات الحوض المنجمي .. كما طالت بعض المناطق الجنوبية... اتت الحرائق على الاخضر واليابس... وراح ضحيتها مواطن وعون حماية مدنية أثناء أدائه لواجبه...
استنكر كل التونسيون(باستثناء الغزاة طبعا).. تزامن هذه الحرائق .. وأجمعوا جميعا انها مفتعلة ولا دخل للصدفة في اندلاعها ... وتوجهت اصابع الاتهام طبعا لتتار العصر الذي عرف على مدى وجوده بعشقه لفعل "حرق" ومشتقاته... حزب النكبة الدموي الذي مارس الحرق بأنواعه على التونسيين الرافضين لوجوده وغير المتجانسين مع طبيعته الإجرامية... حزب دموي حرق الابرياء بماء النار (ماء الفرق) وبالمتفجرات وليس بغريب عنه سياسة الأرض المحروقة ...
تعالت أصوات الاحرار وطالبوا الدولة والحكومة بالكشف عما يجري وتقديم تفسير لاندلاع كل هذه الحرائق التي حولت قطعة من الجنة الى كرة ملتهبة ... ووجدت الحكومة نفسها مجبرة على التوضيح .. خاصة بعد ما ألقت قوات الحرس القبض على العديد من المجرمين في حالة تلبس واضح .. حاملين اوعية ملأى بالبنزين والولاعات في أماكن لا تطؤها قدم مواطن في مثل هذه الظروف ... كما زاد رواج صور هؤلاء المجرمين في وسائل الإعلام مكبلين .. من احراج الحكومة ودفعها دفعا الى الندوة الصحفية...
وتو يزيكم مالعربية الفصحى...خاطر الجزء الثاني ما يتقال كان بالدارجة...
هيا سيدك بن سيدك الحكومة الموقرة لقات روحها كيما قلتلكم واحلة وحلة المنجل في الڨلة .. ووجها قريب يتقشر مالحشمة ... ولات وخرت وقدمت وقالت زايد ها التوانسة ياسر خرنانين وبش يكبشو ... برا نبلفطهم بكلمتين خلي يسيبوني نندب على وعدي ... هي الحكاية الكل راس مالها حارة صحفيين ومصور وميكرو ... ونزيد هم وجه زعمة زعمة محبوب وشهلول ... ومانلقاوش احسن من خليفة الشيباني ...متكلماني وبلعوط شوية ... والروسات بقدرة ربي تنجح ... روسيات خفيفة صيافي... مع شريبة ماء باردة ... يشربها المواطن ويحس بالنخوة والانتصار... ويغم على راسو ويرجع لتبحيراتو وعروساتو....
وكان الامر هكاكة ... ندوة خفيفة نظيفة... ليه ليه ... كلمتين باهين ... تفسير علمي ويئي .. وشوية افلام ... هذيكة spécialité الشاف.. ما تغيب على طعام ..
تبقينا الفيلم الخطرة هاذي ها حكومة بنية عمي جاء مڨحول شوية ... مڨحول اكثر مالعادة ... الحقيقة ما نجمتش نعديه لا بالفانتا ولا بالكوكا ولا باللاڨمي الحي.
قلتلنا الموقوفين ما يخوفوش ...كعيبتين من جماعة الحضائر ماخذين في خاطرهم شوية من سي محمد بن سالم ... خاطر خرجهم من حراسة الغابات وجاب في بلاصطهم جماعة ثقة ويخافوا ربي ... كانوا في الحبوسات..... الجماعة متاع الحضائر طلعوا راضعين حليب الناڨة وغاضتهم الحكاية هاك الي بالضبط وخباوها في قلوبهم ... وليوم حبوا ينتقموا .... وشعلوا الدنيا ....
امممممممم..... ملا جماعة الحضائر يا سي خليفة ... طلعوا تنظيم ستاليني صحيح .... يخططوا ويتكتكوا وعندهم mot d'ordre خرجوه في الساعة الصفر وانطلقوا .... هاذم منظمين ينجموا كان يزيدوا تحالفوا مع الآلية 16 يفكوا البلاد بضحك ولعب ومن غير تمويلات أجنبية ولا انتخابات......
القوة لربي اش تفلموا..... سيناريو ما يخرش المية ضرب برشة عصافر بحجرة واحدة.... نبرؤو النهضة ... ونزيد نخرجوهم ضحية ووطنيين .. ونعديوها عالتوانسة خاطرهم ياكلوا في الڨرط.... معلم....
حاجة واحدة سي خليفة ما قالهاش رغم الي كانت على طرف لسانو.... ممكن حشم .... حشم بش يقول الي الدولة سيطرت عالحرائق بفضل سطل المكي العجيب....
ويحيا المحقق كونان
فردوس بوغطاس.....
وهكذا المادة خلاصة ندوة المحقق كونان الجهبذ، بقلم فردوس بوغطاس
هذا هو كل المقالات خلاصة ندوة المحقق كونان الجهبذ، بقلم فردوس بوغطاس هذه المرة، ونأمل أن توفر فوائد لكم جميعا. حسنا، أراك في وظيفة أخرى المقال.
كنت تقرأ الآن المقال خلاصة ندوة المحقق كونان الجهبذ، بقلم فردوس بوغطاس عنوان الرابط https://notscrets.blogspot.com/2017/08/blog-post_409.html
0 Response to "خلاصة ندوة المحقق كونان الجهبذ، بقلم فردوس بوغطاس"
إرسال تعليق